شبح الهاكرز

شبح الهاكرز….

كانت ليلة باردة في اخر الصيف..شديدة العتمة ..والصمت يخيم على كل شيء ..كنت جالسا على سطح بيتنا في الهواء الطلق (مكاني المفضل للتدوين)..مع ان الجو كان باردا لم اكترث لشيء سوى شاشتي الصغيرة وبعض الموسيقا…تجاوزت الساعة الرابعة صباحا ولم اغير جلستي منذ اكثر من سبعة ساعات …بدأ الملل والنعاس والبرد يخترق جسمي…إلا أن حدث شيء غريب أيقظني من غفوتي العقلية ….بل صدمني وجمدني لبضع ثواني فقط  لأستوعب ما الذي يحدث …وأول ما خطر لذهني شبحا.(لأنني أؤمن بالأشباح لتجارب مرت علي) ….والذي حدث  بالتفصيل انني كنت اتكلم مع اكثر من صديق مقرب جدا مني إلى أن بدات تظهر كتابات شبه مفهومة وبسرعة على الشاشة في أحد قروبات الماسنجر ..اعتقدت في بادئ الامر أن بعض الازرار قد عطلت واخذت تكرر في الكتابة من تلقاء نفسها فرفعت يدي عن الكيبورد وحينها كانت الكارثة واصبحت الكتابات غير المفهومة مفهومة..كلمات ناابية جداا ومسبات من النوع الثقيل..والمشكلة انو ظهرت باسمي وكان موجود اكترمن بنت لمزيد من الاحراج  ..لو فقط شباب كانت نص مصيبة..بنفس الوقت بدات اكتب ايضا عشوائيا حتى تختلط الحروف ولا يفهم شيء …فجاة اغلقت كل النوافذ والبرامج المفتوجة لدي من تلقاء نفسها ايضا…وانا لهذه اللحظة مصدوم ولا اعرف ماذا سوف افعل ..بعد اقل من عشر ثواني بدا برنامج الكاميرا بتشغيل نفسه تلقائيا …وانا ما ضل فيا عقل من وقتها ,بنفس اللحظة ركضت حافيا الى غرفة اخي الصغير لان عنده خبرة بهيك شغلات وما كان منه الا ان يشمت فيني ويقول لي “مبروك طار كلشي عندك” …لم استطع النوم بعد ذلك ولم اجرؤ ايضا على تشغيل كمبيوتري ..كنت غارقا بمخااوف ستشكل عندي كوارث اذا هي فعلا تحققت …ما الذي حل بجميع حساباتي ؟..

وايضا جميع البيانات على جهازي ….ومن هو الذي فعل ذلك؟….

في اليوم التالي بعد ان تاكدت ان كل شيء بخير وما كانت توصف هالفرحة .. ما تركت صديق هاكر الا وطرقت باب بيتو…وفعلا وضحوا لي كيف تم اختراق جهازي وباي طريقة …وبالفعل تم اختراق جهاز الابتوب الخاص لاكتر من 3 ساعات من دون تخريب للبيانات بعد ان استلمت ملف  من فتاة تونسية والذي كان يحتوي على تطبيق خاص بالتجسس مع العلم ان جهازي لم يكن محميا حينها بجدار الحماية او حتى برنامج مضاد للفيروسات…من حظ الهاكرز واسمها  ” خولة “

مواقف من حياتي…

اللحظات الحرجة في حياتنا هي التي تكشف روعة وطرافة الحيااة

كما انها تكشف معدننا والطريقة التي نتعامل بها مع الحدث وليس الحدث بحد ذاته هو الذي يحدد هويتنا الانسانية والتزاماتنا باعرافنا…

فمن المحزن ان نقتل ذاكرتنا لننسى عبثا لحظاتنا المجنونة….

    

      سليمان المبارك

آخر كذبة…

 

من السهل جدااا كشفي عندما اكذب …مع اني من المستحيل ان اكذب…ولكن للضرورة احكااام…وهي مشكلتي انو ما بعرف اكذب..صراحتي اتعبتني وآلمت غيري ..بس لما اكذب بفوت الكلام ببعضو  وبحمر وجهي وبطلع بالارض…وبعد ما تخلص الكذبة ومن دوون ارادة اقولهااا بصرااحة ” لا تأخذني كنت بكزب عليك كنت بمزح معك”…بس هي الشغلة ايجابية بعني ابدااا بحياتي ما احرجت بسبب كذبة واقوالي بتتاخذ على محمل الجد ومن دوون شك ازا كانت حقيقة او كزبة..بس متل ما قلت للضرورة احكاام…فاخر كزبة بزكرها انو زورت شهادة البكلوريا الاولى بطريقة احترافية…نقصلي اكتر من 80 علامة وما كنت عرفان كيف بدي اواجه اهلي وبرجعتي للبيت مريت على محل كومبيوتر واشتغلت عليها اكتر من ساعتين..وطبعتها والكل شافها وما شك ابداا مع انو الكل بعرف انو انا ما درست شيي ابدااا..بس بعد مرور اسبووع ابي بالصدفة التقى مع مدير مدرستي وخبرو انو علاماتي مو منيحة ابدااا ولما رجع ابي على البيت صار يلي صار وهو معروف لاداعي لاذكرو هون….بس الطرفة مو هون  يعني لما عرفو صحابي ..صار عندي مصلحة والكل بدو يزور شهادات واورااق وما بعرف شوو بس انا كنت ارفض لانوو حبل الكزب قصير ومشان ما يصير فيهن متل ما صار فيني …..

الحادث الأول…

 

الحادث الاول…..والاخير….

بعيد الشر عنكن.. هو الاول وان شاء الله يكون الاخير….مجرد حادث ومو اي حاادث …انا لما اكون ببصرى شغلتي اركب متور واطوف بشوارع بصرى .وما جربت اعمل حادث لانو سواقتي منيحة وحذر كتير بس يلي صار هداك اليوم شي فظيع جدااا…لانو ما عملت الحادث لحالي كنت مع صاحبي ومو اي وااحد “ايرياميا” اسمو غريب لانو مو من هون هو من كوريا الجنوبية تعرفت عليه بالمعهد العالي للغات بالشام وصرنا صحاب…وعزمتو على بصرى وفرح كتير بالزيارة وشااف كتير شغلات اول مرة بشوفها بحياتو…وطبعا لازم اعملو رحلة على المتور..وفعلا طلعنا وما خليت شارع بالبلد الا ما دخلتو…وانصدم ايرياميا لما شااف سهول لحد الافق وهو مو متعود يشوف ارض منبسطة لانو تضاريس بكوريا كلها جبال وهضاب والمشكلة انو انا عجبني المنظركمان وانصدمت معو ونسيت حالي ازا انا سايق متور او لااا…وفجاة صاار الحاادث ودعست صبي صغير بس ما مات يعني تكسر شوي ونحنا ما صرلنا شي…وطبعا اجيت بدي لحق حالي واهرب مو من الحادث بس من المسوؤلية…بس صاحبي صار يصيح اتصلو بالاسعاف…بالطوارئ..(هو بحكي عربي شوي )..يعني فضيحة على مستوى تقيل. ..بس الله سترني والصبي وقف على رجليه وقال ما فيني شي بالرغم كان مدمى…بس مشان لا تكمل فضيحة اخدتو على بيت رفيقي بنفس الحارة واعتنى فيو .. وانا كملت مشواري…وحرمت من يومها ارّكب معي شخص مو من سوريااا….

لا اعرف السبااحة…!!

لا اعرف السباحة..

من الغريب جداا ان اذهب لمسبح وانا لا اعرف السبااحة ولكن الاغرب ان اقفز في المااء….  لعله شغفي في الاكتشاف ولكن ليس على حساب روحي  فبالرغم ان عمق المسبح متر ونص يعني انا اطول منو بس لازم اسبح واجرب وهون المصيبة انو غرقت وما عرفت اخلص حالي وبقيت تحت المي اكتر من دقيقة والكل حولي بتفرج على اساس انا عم اغوص لانو هيئتي سباح ماهر. ..ورحت ما اروح  فيها لولا ابن حلال رفعني وقلي وهو عم يضحك “شوو عم تساوي تحت المي”  ..وما بعرف انو انا شربت نص مية المسبح ووصلت روحي لحلقي..بس الحمد لله تنزكر وما تنعاد ومن يومها ما بروح على المسابح وصرت اخااف من المي………..