كانت أسرار

كانت أسرار:

لطالما كانت الأسرار حكراً على ذاكرة تبدع النسيان..لطالما كانت  الموضوع الأكثر جدلا الذي يحيرنا  منها ما يجوز البوح به ومنها ما يفضل كتمانه للأبد …بعضها يصعب تقبله في الأمر الواقع وبعضها الآخر يميل إلى الجنون …ومنها ما فرضنا عليها نسيانه او مجرد التفكير بها …كل ذلك يقبع في اعماق النفس البشرية من مشاعر وأفكار و مواقف مرت علينا, ومن منا لا يحمل في اعماق نفسه الكثير من تلك  الأشياء …الإفشاء عن جميع تلك الأسرار أمر مستحيل فمنها السر الكبير والصغير والمحرج والمخيف والحزين والعادي ومنها ما يستحال التفكير به ….

إنه الموضوع الأكثرحساسية الذي أتناوله هنا في مدونتي وخااصة أنني صندوق كبير مليء بالأسرار كما يصفني البعض  ولغز يصعب حله …ومهما ذكرت من أسرار يبقى معظمها قابع في الصمت الى اللانهاية ..

وفي الحديث عن بعض أسراري العادية التي لربما يعرفها من هو مقرب مني والتي أرغب بالبوح عنها في أحلامي وهي:

السرالأول:

مزاجي كتيييييييير إلى أبعد الحدود …يعني كل سااعة بلون شكل وما فيني أضبط حالي على حالة معينة أحيانا بعصب من أتفه الشغلات وبنفس الساعة برجع مبسووط بس ما بعرف شو هو السبب يلي بخليني اغير مزاجي كل نص ساعة ..وطبعا يلي بدو يكون بمحيطي بدو يتحمل مني كتير ويتعود..  

السر الثاني:

انفعالي ..جدا وما بضبط مشاعري ..ومهما كان مزاجي رايق بتشوفني انفعلت من كلمة او شغلة  معينة ويلي بصير بعدها انو مشاعري بتنفجر متل البركان ومافيني اتحكم فيها أبدا حسب ما تكون الشغلة بتعصب او بتحزن او بتفرح..وياريت ما تكون الشغلة الاولى مع انو نادرا ما اعصب وازا عصبت مارح أقصر أبدا…

السر الثالث:

فضولي كتييييييييييييييييييييييييييييييييييييييييير  يعني لا تحاول تخبي شي عني قدامي ..بحاول اعرف كلشي وازا ما بخصني وبأكتر من طريقة وبكره حديث الوشوشة او حدا يخبي عني سر وكمان بكره المفاجأااات ..والفضول عندي أكيد مشكلة لانو بمووت من القهر ازا ما عرفت شغلة وغالبا فضولي بجرني للتسرع بكتير شغلات من دون تفكير..

السر الرابع:

بمل من كلشي بسرعة…يعني ملوووول ..لهيك بتشوفني بعمل اكتر من شغلة بنفس الوقت مشان ما أمل ومع هيك بمل كمان ..وما بزكر ولا مرة كملت فلم إلا تركتو بنصو او حتى مسلسل تابعتو ..او نشاط او  كتاب دراسة وانتهيت منو حتى البكلوريا مع خلصتو للمنهااج  …وحتى من الحكي بمل  والترفيه والتلفزيون والنت ..بس احيانا بقاوم الملل..

السر الخامس:

انا إنسان ليلي …بحب الليل اكتر من النهار ..وما بحب اتواجد تحت  الشمس وخاصة الصيف …كل نشاطاتي بتكون بالليل بس ماني وطواط  ..يعني اغلب الوقت بالنهار بكون بغرفتي وما بطلع منها ابدا للمسا ..وكل المشاوير بتكون بالليل وما بكتب بالمدونة الا بالليل وما بدرس الا بالليل وما بطلع من البيت الا بالليل …

السر السادس:

بحب الاعلانات كتير وخاصة يلي بالشواارع ..وعلى التلفزيون بستنا الاعلانات بالدقيقة ..ما بعرف شو هو السبب لحبي للاعلانات بجوز لانو الاعلان هو فن وانا بحب الفنون والشغلات يلي بترتبط فيها …وبنصحك ازا كنت بتمشي معي ما نفوت ابدا بشوارع ملياانة اعلانات لانو مارح افوت ولا اعلان إلاما أقراه…واكيد رح نتاخر…

السر السابع:

هي شغلة مو منيحة فيا وهي انو ما بعرف اسماء كتير رفقات الي مع انو بشوفن كل يوم وخاصة بالجامعة وبالحارة ..وهن بعرفوني منيح وقاعدين اكتر من مرة وطالعين مشاوير …حتى انو وصلت لدرجة مسجل ارقام تلفوناتهم باسماء مستعارة لانو بخربط بين اسماؤهن…  

السر الثامن:

كتيييير بتشوفني شارد  وطبعا بكون غرقان بخيالي الوااسع…يعني في بخيالي عالم تاني مواز لهاد العالم انا عايش فيو بجميع اللحظات .( مجنون شبه رسمي  )  وهو احلى من هاد العالم لانو ما فيو شي مستحيل…ومع هيك بضل مجرد خيال وما في اوسع من خيالي….

السر الثامن:

بكره الفيقة الصبح بكير وبكرها كتييييييييير وهي أصعب شي عندي بهي الحياة وشو ما كان السبب مستعد أضل سهران للصبح مشان لا أفيق  بكير وازعج نومتي …حتى محاضراتي تبعات الساعة تمانية ما بحضرها دائما دوامي ما بعد 10 صباحا .وانا ما بحب النوم  بس صعبة جدا الفيقة بكير مو؟

السر التاسع:

 هاد السر بحملو لوحدي يعني ما حدا مابشبهني فيو وهو انا ما بنام على الجو الهادي يلي بترمي الابرة بتسمع رنتها بالعكس انا ما بنام الا على  الا على الضجيج المخفف والمعقول ..وازا ما في بنام على صوت الموسيقا او بترك التفزيون مشغل لهاد السبب اخي الصغير ما بشاركني بغرفتي..

السر العاشر:

هي حالة نفسية بتتعلق فيا وبتفش خلقي من كلشي وهي لما بكون مخنوق من شغلة او مقهور او حزين وماني طايق حدا بتخيل حالي عم اشنق نفسي من مكان عالي جدا يعني سطح بناية او جسر وبعد ما اشنق حالي واموت طبعا كلو هاد بخيالي ..برتاح كتير ..وطبعا لا جربوا هاد الشي ..

هواياتي

هوايات حسب المراق هكذا اسميها فانا لا امارسها دوريا او بشكل يومي فانا بطبعي بمل من كلشي لكن اعرف ان هذه الهويات او هي الشغلات يلي بعملها بوقت الفراغ ازااا وجد بحيااتي..هي مكملة لذاتي وتصف ما بداخلي وطبيعتي التي احيانا اجهلها …فيوجد شي بداخلي يدفعني الى ممارسة هذا الفعل ليس لانني احببته او هو ممتع  بل لانه يشعرني بانني حققت شيء ما بداخلي ولا اعرف ما هو …..والاغلب بهواياتي انها غريبة بعض شيء وهي لاشك تعكس بعض ما اخفيه في جواتي….  

 الهواية الاولى…..اغرب هوايةو هييي…….جمع كلشي…..اي جمع كلشي بعرفو وشو ماكان  يعني عندي مجموعات من كلشي بخطر عالبال ومازلت لحتى الان عندي هالعاااداة لانها عنجد صارت عادة فيني  …وحتى الاشياء الغريبة بتستهويني  ..يعين ازا دخلت على غرفتي بجوز تحصي الاف الاشياااء وشو ما بدك رح تلاقي…لهيك تعزيل غرفتي من اصعب الاشيااء يلي ممكن تعرفها.. بس هالاشياء لا تقدر بثمن يعني اكيييد مو رح تلاقي لوحة ناادرة لبيكاسو بس رح تلاقي اشياء ناادرة  وثمينة بقيمتها المادية و المعنوية متلافي مجموعة  العملات رح تشوف عملات من عهد فيليب العربي  والامبراطورية الرومانية والعهود الاسلامية الاولى والعصر الاموي والعباسي… والعثماني وعملات سوريا القديمة هيك وماعدا العملات الحديثة لكتير من الدول ..يعني صار عندي خزانة متل ما بقولو…وما رح احصي كلشي عندي مشان لا تملو بس كلشي بنجمع جمعتووو ..بس السؤال كيف حصلت على هالشغلات والجواب الاقصر هو اشتريتها!!!

 

الهواية التانية..التصوير…فوتو و فيديو .صحيح انو التصوير لحفظ لحظات رائعة وممتعة من حياتك والو اوقات خااصة ومعينة…حاب تسجلها ذكرى بس انا بصور كلشي  من حياتي ما بتفوت عليا ولا لقطة يعني ازا ما كانت معي الكام بكون معي الموبايل ..وعندي صوور لكل زااوية ببصرى واكيد صحابي الهن الحصة الاكبر وكتير بتغالظ عليهن بالصور المفاجئة ويلي غالبا بتكون محرجة …….احذرو التصوير…….

 

الهواية الثالثة…الرسم….وهي الهواية الاولى التي مارستها اول ما وعيت على الدنيا يعني من لما كان عمري 3 سنين وهي فقط على المزااج وانا برسم كلشي وساعدتني كتير مخيلتي الواسعة فبذكر انو وقت ما يكون عنا وظيفة رسم  بالمدرسة كل الطلاب بتحشر حالها بمقعدي او قريب مني…وطبعا هالهواية من اجمل هواياتي لانهابترمز وبتجسد  ببعض ما اشعر و احلم وابداعي بالرسم بيكبر وينمو يوم عن يوم وطبعا فادتني كتير باختصاصي الجامعي …

همسة: من صغري واحلم بدخول كلية الهندسة المدنية ورسمت لوحة تتعلق بحلمي استغرقت مني عشرين يوما كنت اضيف عليها حتى اكتملت ..وانا لم اتجاوز 16 وهي اكمل من ان توصف وتجاوزت حدود الموهبة…

 

 

الهواية الرابعة…الشعر….  اول قصيدة كتبتها كنت بالصف التاسع وكانت على القافية وموزوونة قبل ان ادرس الاوزان الشعرية …بس اهملت الهواية شوية لانو انا مو شاطر بالعربي والتجأت للشعر الحديث

وصرت اكتب عن المشاعر والحب والحزن وو…وشعري مو هداك الشعر بس هو صاادق بكل كلمة و حرف ونابع من القلب…اول نقد بتلقاه هو,” لا تكتب كايمو “  يعني شعري حزين كتير…

همسة: أنا ما بقرأ شعر الا نزار قبااني ومحمود درويش

 

 

الهواية الخامسة… الطبخ…. أكيد بس مجرد هواية .(لا تفهموني غلط). يعني كتير بتشوفوني بالمطبخ وهو المكان الثاني بالبيت يلي اكتر شي بتواجد فيه ..بخترع وببدع كتير طبخاات من خيالي وغاالباا ما تكون بتجنن وطيبة كتير بس بعد ما اقلب المطبخ سااحة حرب …بالنسبة الي الطبخ موهبة بتأهلك كيف تعرف تمزج النكهات ببعضها اكيد بقصد نكهااات الحياة والاشخااص والصفات..والمشاعر…..

 

همسة: بمووووووت بالشااكرية

 

 الهواية السادسة…التسوق…شوبينغ  وهي مكلفة بالنسبة الي …صحيح انو مصروفي محدود بس ما بقصر يعني وقت ما يكون معي مصاري بتلاقيني بالسووق شاري شغلات بطعمة وبلا طعمة المهم اشتري وكل مشووار عندي الا ما اشتري شغلة …وانا زاائر شبه يومي للمولات….

 

الهواية السابعة…وهي ليست مدرجة في قاموس الهوايات وهي  الاركيلة….لا تعليق

ومن هواياتي ..التدوين و الثقافة و السفر والتمشي و الديكور و التصميم و كتابة الخواطر وركوب المتور!!!…..يتبع